ექსკურსიის შესახებ
მოკლე მიმოხილვა და ძირითადი შთაბეჭდილებები
ეს ტური აღმოსავლეთ საქართველოს მთავარ ადგილებს აერთიანებს: ძველ თბილისს, ყაზბეგის მთებს, კახეთის ღვინის მხარეს და მცხეთის ტაძრებს. ყველა ღამეს თბილისში ათევთ, ამიტომ სასტუმროს შეცვლა და ბარგის გადატანა არ მოგიწევთ.
პირველი დღე თბილისს ეთმობა: ძველი ქალაქის ვიწრო ქუჩები, ნარიყალას ციხე, გოგირდის აბანოები, მეტეხი, მშვიდობის ხიდი და სამების საკათედრო ტაძარი.
მეორე დღეს სამხედრო-საქართველოს გზით ყაზბეგისკენ მიდიხართ. გზაში გაჩერდებით ჟინვალის წყალსაცავთან, ანანურის ციხესიმაგრესთან და გუდაურის პანორამასთან, დღე კი სრულდება გერგეტის სამებასთან, მყინვარწვერის ძირას.
მესამე დღე კახეთშია: ბოდბის მონასტერი, „სიყვარულის ქალაქი“ სიღნაღი, ოჯახური მარანი ქვევრის ღვინის დეგუსტაციით და წინანდალი — ჭავჭავაძეების სახლ-მუზეუმი და ბაღი.
მეოთხე დღეს მცხეთაში, UNESCO-ს ძეგლებთან — ჯვრის მონასტერსა და სვეტიცხოველთან მიდიხართ. სადილის შემდეგ ნახავთ კლდეში ნაკვეთ უძველეს ქალაქ უფლისციხეს და გორის ციხეს, თბილისში კი დაახლოებით 17:30-ზე დაბრუნდებით.
ტური იდეალურია მათთვის, ვინც საქართველოში პირველად ჩამოდის და რამდენიმე დღეში აღმოსავლეთ საქართველოს მთავარი ადგილების ნახვა უნდა.
