პიაცა

ერთი ადგილი, ბევრი შთაბეჭდილება

პიაცა ბათუმის ძველი ქალაქის გულში მდებარე მოედანია, რომელიც 2010 წელს იტალიური სტილით აშენდა. მას ყოველი მხრიდან თაღოვანი გალერეებით და ჩუქურთმიანი ფასადებით მორთული შენობები აკრავს, მოედნის იატაკი კი დიდი მოზაიკითაა მოპირკეთებული. მოედანს თავზე საათიანი კოშკი დაჰყურებს, მის გვერდით კი წმინდა ნიკოლოზის ეკლესიაა. პირველ სართულებზე კაფეები და რესტორნებია, ამიტომ პიაცა ბათუმელებისა და სტუმრების საყვარელი შეხვედრის ადგილია. საღამოობით მოედანი ნათდება, ხშირად ცოცხალი მუსიკა ისმის და ზაფხულში აქ კონცერტებიც იმართება.