ქუთაისი

ერთი ადგილი, ბევრი შთაბეჭდილება

ქუთაისი საქართველოს ერთ-ერთი უძველესი ქალაქია, ანტიკური კოლხეთისა და იმერეთის სამეფოს ისტორიული ცენტრი. ქალაქი მდინარე რიონის ორივე ნაპირზეა გაშენებული და გამოირჩევა მყუდრო ქუჩებით, ძველი უბნებითა და ბაგრატის ტაძრის ხედით. საღამოს ქუთაისი განსაკუთრებით ლამაზია, როცა ცენტრალური მოედანი და სანაპირო ნათდება. ტურის მეოთხე დღე აქ სრულდება და ღამეს ქუთაისში ვათევთ, საიდანაც მეორე დილით დასავლეთ საქართველოს ბუნებისკენ მივემართებით.