ადგილის შესახებ
ერთი ადგილი, ბევრი შთაბეჭდილება
საბჭოთა წლებში წყალტუბო კავშირის ერთ-ერთი ყველაზე პოპულარული კურორტი იყო: ათობით სანატორიუმი და აბანო ყოველწლიურად ათასობით დამსვენებელს მასპინძლობდა. ბევრი მათგანი სტალინური ამპირის სტილშია აგებული — სვეტებით, თაღებითა და დიდებული კიბეებით. საბჭოთა კავშირის დაშლის შემდეგ კურორტი დაცარიელდა, 1990-იან წლებში კი სანატორიუმებში აფხაზეთიდან დევნილი ოჯახები შესახლდნენ. დღეს შენობების ნაწილი მიტოვებულია და მათ ბუნება ნელ-ნელა იბრუნებს: სვეტებს სურო ფარავს, დარბაზებში კი ხეები ამოიზარდა. ყველაზე ცნობილია სანატორიუმები „მედეა“ და „ცენტროსოიუზი“ და მრგვალი აბანო №8. შენობები ავარიულია, ამიტომ მათ ფრთხილად და მხოლოდ უსაფრთხო ადგილებიდან ვათვალიერებთ. 📷 ფოტო: Alexey Komarov, MiSHock / Wikimedia Commons (CC BY-SA)
